Opplysninger om Kvennbekken, Pissarn og Holten.
Legg inn bilde Legg inn kommentar| ID: | 791 |
| Område: | Østsida nord for Grimsdalsvegen. |
| Plassering: | Arnekleivs gardane |
| Koordinater: | Mangler nøyaktige koordinater. |
| Bruk: | Vatnarvatn, kvennvatn, drikkevatn |
| Historikk: | Pissarn kjem ned nord for garden Arnekleiv, Kvennbekken kjem ned mellom Arnekleivs-gardane og Holten kjem ned sør for gardane. Alle har sin opprinnelse frå myrer innunder Arnekleivshøe og Storhaugen.
Om Lars Jonnson (1767-1860) frå boka til Sigurd Arnekleiv: "Lars la stort arbeid på å få greiare jordveg. Såleis hadde han fleire reguleringar på den eine bekken, Pissar`n, som renn nedover Vehllberget. Bekken kom ned nordai husom og rann nedover noko av den beste innmarka, nord for Nepkveåkeren og ned i gjennom Hanslykkjedalen. Lars grov nytt fàr oppi Mytingdalen og på skrå nord gjennom Kalvelykkja (hamnelykkja). Nedst i Skråvegen leidde han vatnet nord i Nørderjordet, hamninga. Pissar`n og den andre bekken oppi Vehllberget, Holten, fekk same fàr. Oppi Vehllberget grov han ei skråveit sørover til Kvennbekken ("Nistugubekken"), så noko vatn i vårflaumen kom dit. Kvennbekken har frå gamalt høyrt Uppistugun til. Det var om å gjera å få nok vatn til kverna der. Lars hadde ei tredje regulering på denne bekken. Myrlykkja, ei flate på 30-40 mål nede i dalbotnen, var for ein stor del blaut myr. Lars leidde bekken utover leirhaugen nedst i Nørderjordet, nord for Hanslykkjedalen, og vårvatnet grov eit djupt gjel i leira og førde utover på Myrlykkjun, der leira etterkvart la seg utover så heile flata vart slett og turr.-- Både Pissar`n og Holten er turre ein stor del av sommaren, men i snøløysinga kan dei fløyme opp, og særleg Pissar`n kan bli som ei å. Bekkjefàret ned igjennom jordet etter Pissar`n vart attfylt, så det vart slett voll. Det var mykje stein i jordet. Mange små og store steinrøyser låg spreidde utover. Lars leigde nokre karar som grov opp ei djup holo midt nedi Smalteigen, om lag 6x6 meter. Denne holo fylte dei med stein frå røysom og la jord over, knapt ein meter djupt. Til kvar sommar, når det er turt, blir det avsvidd ein firkant over denne underjordiske steinrøysa." På jordet ovanfor Nistugu var det alt for mykje væte til at dei kunne drive jorda. Det vart derfor grave steinsatte grøfter som det er fylt jord over. Kvennbekken renn i ei slik grøft, desse gjer tildels nytte for seg i dag og. |
| Eiere: | Lest ABj Merete GG |
| Tilstand: | |
| Bygningsmåte: | |
| Størrelse: | |
| Kilde: | Sigurd Arnekleiv bok |
| Registrert av: | Merete Killi Moastuen |