Opplysninger om Sidesporet og Jora allmenning.
Legg inn bilde Legg inn kommentar| ID: | 760 |
| Område: | Dovrefjell sør for E6 til vannskillet. |
| Plassering: | Sidesporet og ålmenninga |
| Koordinater: | 32V 0506840 6882606 |
| Bruk: | Sag |
| Historikk: | Denne saga vart nok oppsett på Sidesporet under jernbaneutbygginga rundt 1910-1920. Dei hadde bruk for både matrialar og svillar. Fyrst på 1950-talet vart saga riven, og Ola M. Killi og Sigurd Hestdal kjøpte ho. Dei sette opp att saga i allmenninga ved Grønbogen pukkverk (054973-6886627), her kjøpte dei gammal malmfuru frå allmenninga og saga jernbanesvillar. Dei drifta saga med ein traktor. Kvilebu sette dei seg opp her og.
Ola Magne Hage på Lesja kjøpte saga, truleg sist på 1950-talet. Som betaling henta Ola to store høyvogner med "turrfòr". I 1959 kom nok mest truleg Martin Myhren oppi Grønbogen og sette opp saga si. Han dreiv her rundt eit år, saga mykje svillar til jernbana. Det vart oppsett ei større kvilebrakke av NSB (0505046-6886527). Slippertane vart bleka her av Arnfinn Kronberget, før dei vart lasta over på ei jernbanevogn. Materialane og slipen vart kjørt ned i bygda. Mathias Dalum arbeidde på saga sjølv om han var pensjonist, Harald Groven var og i arbeid på saga. BLÅ RUTE: Slippertproduksjonen i Lesja og Dovre var stor, frå rundt 1920 og fram til 1968 var det ei god attåt næring for mange, ofte sette dei seg opp ei enkel sag på garden. Slippertane vart kjøpt opp av NSB`s svillekontor der overingeniør R. Broch bestemte, han ville helst ha slippertar av furu, gjerne kraggefuru, da furu kunne vare i opptil 33 år. Furu tok òg godt imot kreosotbehandlinga. Gran derimot hadde berre varigheit på 1-2 år. BLÅ RUTE!! Arbeidsulykke på saga 1959. "Vinteren 1959-60 tok Martin Myhren- med eget sagutstyr- på seg sagskurd ogofor pukkverket for almenningen høgt oppe i Joramo bygdealmenning. Ved å ta sagskurden ute i skogen, slapp ein å køyre tømmeret ned til saga ved Hinden. Saga hadde dobbeltbenk, men berre eit blad var i bruk. Mathias Dalum var leigd av Martin til sagmester. Asbjørn Myhren køyrde tømmeret fram på velta med "Hanomagen". Harald Groven var med og tok sagbaken, samtidig som han tok sagflisa onda sagbenken. Medan han arbeida med dette kom han bort i spindelen for andre bladet, som ikkje var sikra, og som hekta seg fast i klærne, og heldigvis rauk dei sundt og Harald vart kasta bort i flishaugen. Armen vart avbrote og senane til alle fingrane vart slitne. Martin og Mathias vart heilt forstyrra- og redde. Ein av dei spurte forfjamsa Harald om han hadde fått slag. Karane visst ikkje kva dei skulle gjera, men at Harald måtte til sjukehuset var klart, men korleis? Til alt hell kom Ola Kristiansen og tok ledelsen. Han gjekk ned til pukkverkbrakka og fann ein divan som dei la Harald på, og bar han ned til jernbanelinja, der Ola hadde dresin. Så sykla Ola med Harald og divanen ned til Dombås stasjon. Så vart divanen stongje inn i bagasjerommet på drosja til Arvid Bakken, og køyrd til doktorkontoret. Der fekk han ei bedøvelsessprøyte og vart fløtt over til sjukebilen. Martin Myhren var med på turen. Etter fjorten dagar fann dei ut at armen grodde feil. Ei sjukesyster sette seg bak Harald og heldt godt tak, medan doktoren i eit raskt og sterkt tak braut armen av. Dette skjedde utan bedøvelse. Så vart han gipsa, og nå vart det rett. I alt var Harald på sjukehuset i ein månad. Ei tid etter at han var heim att komen sat han ein dag ute ved huset på Strand da doktoren på Dombås kom køyrande. Da han såg Harald stoppa han og rygga attende, og ropte "NÅ KAN DU TA AV GIPSEN"." |
| Eiere: | Merete ABj |
| Tilstand: | |
| Bygningsmåte: | |
| Størrelse: | |
| Kilde: | Svein Killi, Dovrebanen 2016, Harald Groven, Arnfinn Sønstebø |
| Registrert av: | Merete Killi Moastuen |
Foto:
