Opplysninger om Ulekleivsgardane.
Legg inn bilde Legg inn kommentar| ID: | 724 |
| Område: | Østsida nord for Grimsdalsvegen. |
| Plassering: | Storhaugtjønn -Grindalsbekken |
| Koordinater: | 32V 0509157 6879540 |
| Bruk: | Vatnarvatn |
| Historikk: | Grindalsbekken kjem ned mellom Vesl-Ulekleiv 20/1 og Ulekleiv 20/2, den startar frå nokre små myrer innanfor Engjekollan. Grindalsbekken har ikkje nok vatn for vatning heile året derfor såg dei det nødvendig å få med vatn frå Storhaugtjønne (0510326-6880555). Frå Storhaugtjønne er det grave vassveit for hand, kanskje så tidleg som på 1600-talet. Ein veit at det eksisterar ei kontrakt på denne veita frå rundt 1860, men den er dessverre ikkje å oppdrive.
Utløpet frå Storhaugtjønne, Tverråe renn ned i Hjellåe. Like ved utløpet på Storhaugtjønne startar og vassveita. Ho rundar Storhaugen, på vegen vidare nedover har dei veita inn vatn frå myrer og små bekker, dette renn så ned og blir til Grindalsbekken (0509276-6879548) like sør for Engjekollan. Der Grindalsbekken samlast har dei ei demning (0509157-6879540) med styring på vassmengde. Vassveita har ikkje mykje fall ned til Grindalsbekken, men ved årleg tilsyn og nokre få trerenner fungerer anlegget. Ivar Michal Ulekleiv skal nok ha mykje av æra for at veita er i drift. Det har nok vore ein del ueinigheitar naboane imellom. Nokon fekk kanskje mindre vatn når veita gjekk i feil retning. BLÅ RUTE!! "Simen Killi på Ulekleiv 20/2 ordna seg vassleidning og pumpe med straum frå Lågen, turrsomaren i 1955. Han var av dei fyrste som hadde vass-spreiar i Dovre." Else Hole Ulekleiv skreiv i april 2023: "DA DET VART VATNINGSANLEGG HJÅ ELSE OG OLA ULEKLEIV. Leif Gunnar Aunsmo vart tilsett som driftsplanleggar i Dovre i 1971. Eit av dei fyrste prosjekta han satte igang med, var vatningsanlegget her hjå oss. Ei "handmade" grøft fra Storhaugtjønne til Grindalsbekken skulle vera vatningskjelda. Grindalsbekken er bekken som går mellom garden til Ivar Michal og gardane til Bjørn Killi og Roar Ulekleiv. Dette skulle vera eit anlegg basert på trykkvatning. Ola og Leif Gunnar la planene ilag og dei var samde om det meste. Slanger, røyrer, hydranter, overganger og spredere vart innkjøpt. Det vart søkt om tilskudd som vart innvilga. John Holum var røyrleggaren som gjorde eit stort og godt arbeid. Det vart søkt NSB om tillatelse til å legge slange i Grindalsbekken under jernbanelina, det vart innvilga. Slangen fulgte Grindalsbekken heilt ned til Holen. Det vart bygd kasse med sil, og ein kunne legge på og av vatnet vår og haust. Øverst på Vollen vart det lagt røyrer - vidare opp bakken til Ulekleivsholen. Det var stor spenning da Ola og Leif Gunnar skulle skru på krana oppe på Ulekleivsholen. Ivar Michal var 6 år og kanskje den mest spente av alle, men og den som tvilte på dette. Så han såg på far sin og sa "Pappa, dette går ikkje. Eg har prøvd mange gonger å få vatnet til å renne oppoverbakke og har ikkje greid det." Stor var nok forundringa og gleda da vatnet pesa ut fra vasspredarane over Ulekleivsholen for fyrste gong." |
| Eiere: | Merete |
| Tilstand: | |
| Bygningsmåte: | |
| Størrelse: | |
| Kilde: | Ivar Michal Ulekleiv, Else Hole Ulekleiv |
| Registrert av: | Merete Killi Moastuen |
Foto:
