| Historikk: | Mobil Service Center, Dombås &
0506394-6882012
Mobil Oil kjøpte tomta av Odd Lie i 1962, hans mor Borghild Lie (1887-1961) ville det skulle vera slik.
Dovre kommune betalte eit leigetakar innskott på kr. 60000,- mot at brannstasjonen skulle vera i kjellaren på bensinstasjonen i 1966. Kontrakta hadde varigheit på 49 år.
Tomta vart oppbygd av masse/fjell frå vegarbeidet til ny E6, over tunneltaket ved Dombås stasjon ca. 1965.
Vegvesenet gav melding om godkjent avkøyring 9. oktober 1970.
Mobilstasjonen vart bygd av Jon Rukin frå Otta i 1971, og opna i 1972.
Fyrste drivar var Krogstad, han hadde Mobil i Trondheim òg.
Kjell Hage dreiv stasjonen 1972-1974, han hadde døgnopent og tolv ansatte.
Sommaren 1974 gjekk det ikkje så bra, da kom distriktsjefen Ivar S. Pettersen og Thorsen og dreiv sommaren 1974.
Magne Løland frå Nord Sel overtok og dreiv frå hausten 1974-1975.
Odd (1947) og Målfrid (1942) Aspehol tok forhandlar- jobben frå 1975 og dreiv til 1981.
Roy Nyløkken og Ola Storlien arbeidde hjå dei.
Odd og Målfrid kjøpte Mobilstasjonen og 9 mål tomt i 1982. Dei bygde om lokala til frisørsalong og maskin-forretning, kiosken for bensinstasjonen hadde dei rett innanfor døra. Her var det godteri, is, blader, fritids og bilrekvisita
Fleire ungdommar hadde sommarjobb hjå Målfrid og Odd, nemner nokon, Tone
Nyløkken, Sjur Korsvoldlien, Ola Arne Dalen og Ole Bjørn Ovrum med fleir.
I 1985 fekk Odd Aspehol ansvaret for ein av landets mest avanserte drivstoff
stasjonar. Mobil Oil A/S opna ein ny fyllestasjon for lastebilar hjå han.
I 1987 fekk Odd og Målfrid ny avtale med Mobil, og leigde ut bensinstasjonen til nye forhandlarar.
Øystein Aspehol var innom 1987-1989, før Torgrim Helland leigde 1989-1993.
Det har vore fleire skifte av oljeselskap, fyrst «Mobil Oil» 1972 til 1994, da det vart skrivi avtale mellom Odd og Hydro Olje, og det vart «Hydrostasjon».
Hydro Olje fusjonerar med Texaco i 1996, og det vart «Hydro Texaco».
Egil Ulsletten og Ola Ytre Skjåk forhandla ei kort periode
før Målfrid og Odd tok over.
Avtale med Fina i 1996, fleire forhandlarar saman med Jan Lindsø og Morten Flateng, som vart dei siste drivarane på stasjonen (1998).
I 1998 var det priskrig på blyfri bensin 95 oktan, i sør Norge, Fina Dombås var midt på treet med kr. 8,51 pr. liter.
I 2000 gjer Fina bytehandel med Shell og alle Fina stasjonar i Norge blir
Shellstasjonar.
Ole Herman Kristiansen dreiv og ei kort periode.
Shell stasjonen var automatstasjon fram til mars 2011.
Sidan har det ikkje vore bensinstasjon og kiosk på Mobiltomta.
Annonse 1974:
Vi trenger serviceinnstilt forhandler med forretningssans
til vår moderne stasjon på Dombås. Vi ønsker å komme i kontakt med folk som har lyst til å tjene penger og som ikke lar seg skremme av en lang arbeidsdag.
Som forhandler er De Deres egen arbeidsgiver og kan i stor grad bestemme Deres egen inntekt.
Erfaring fra bransjen er en fordel, men ingen betingelse, idet opplæring vil bli gitt.
Dersom dette interesserer Dem ber vi Dem snarest kontakte vår distriktssjef Ivar S. Pettersen over telefon, Hamar.
Mobil Oil A/S Norge»
___________________________________________________________________
Annonse 1991:
«Vi serverer som vanlig JULEKAFFE M/LITT ATTÅT på Mobilstasjonene, KJØP JULEGAVENE HOS MOBIL»
Kjelde: Odd Aspehol,Trond Nyløkken
Foto face 17. april av Odd, NY MOBILSTASJON PÅ DOMBÅS
|
