| Historikk: |
Rosten cafe og hotell
&
Hans Olsen Rosten (1829-1936) bygde rundt 1900 opp Rosten Hotell, på elvebakken utanfor vegen i Rosten, en kilometer sør for Selsgrensa, og vart kalla Svartskogen.
Hotellet annonserte med tolv sengeplassar, rikstelefon og øl- og vinrett.
Da jernbane mellom Otta og Dombås skulle byggast vart hotellet ekspropiert og auksjonert bort i 1911. Det vart kjøpt av Per Olsen Skjelle. Det vart rive i 1913, og sett opp att nord for Sel stasjon som Sell Hotell. Det vart nytta til overnatting for gjestane som neste dag vart frakta opp til Høvringen.
På nordsida av Rosten Hotel stod det to bygninger som det i 1910 vart starta kafe og landhandel i. Kafeen vart drivi av Oline Botten frå Kvam, og i tillegg budde det tre jernbanearbeidarar, ein handelsbetjent og styraren for Rosten landhandel her.
Landhandelen hadde sluttsalg hausten 1912, da landhandlar Ove Mæhlum på Ringebu gjekk konkurs.
Oline gifta seg med ein av jernbanemennene, Ole Øien frå Kvam i 1912, og busette seg på Dombås, og hadde ein kafe på Mjelva.
På hotellet budde det i anleggstida sju jernbanearbeidarar med familiane sine, totalt 26 personar.
Anna Josten (1888-1975) drifta kafeen i 1913, ho vart gift i 1914 med
Henrik Trondsen (1874-1944). Dei fekk to gutar, før dei truleg flytta til Dombås før 1918.
Ingebrigt og Olea (1873-1943) Svastuen og tre barn busette seg på Rosten cafè i 1918, Olea drifta kafeen, og Ingebrigt var anleggsarbeidar.
Dei budde her fram til 1936, kor lenge det var kafedrift veit ein ikkje.
Rundt 1940 var husa fjerna, og den utvendige panelen vart brukt opp att da Ola S. Øien (1913-1091) bygde Gammelstugu på Vollheim. Ola Brualøkken og Simen Lien var med og reiv, båe fekk sett seg opp eit nytt hus.
Kjelde: Torbjørn Elvestad, avisartikklar, AB, Aud Reidun Bøe Øien,
|
