| Historikk: | Lund Kafe og Hotell
I 1914 selde bygg meistar Johan O. Øverli (1876-1947) husmannsbruket Øverlie 60/8. Rundt 1917 bygde han opp eit stort hus nedanfor Brennhaug stasjon, og her opna familien kafe.
I 1919 var det folkerøysting om Norge skulle halde fram med brennevinsforbodet frå 1914.
Kunngjering i Gudbrandsdølen folkeblad 15.07 1919:
«Det kommunale mandtal for Lesja og Dovre er utlagt paa Johan Øverlis cafe for Brennhaug kreds.»
I 1920 flytter Johan Øverli og familien frå bygda.
Gudbrandsdølen 30. august 1920:
«VILLA TILSALGS eller BORTLEIE paa Brennhaugen, like ved station.
Huset er av tømmer og opført for 3 aar siden, indeholder 8 værelser m.m. Fotografi sendes paa forlangende. Ny beplantet have. Uthus som fjøs og høilade, et litet verkstedsrum og smie.
Stedet egner sig som kafe eller sommeropholdssted.
Kan ogsaa sælges til bortflytning.
Henvendelse til eieren, Johan Øverli»
Rundt 1921 kom Iver Johnson (1885-1948) og kona Marie (døypt Brigtiva Marie Tanke Jørgensdotteer) (1900- 1976) attende frå USA. Iver utvandra frå Dovreskogen i 1902.
Marie med sine foreldre, frå Stamnes kommune i Nordland, utvandra i januar 1902.
Dei kjøpte huset, villaen, og i 1924 vart eigedommen delt frå Dovreskogen bygdeallmenning. Tomta var på 2,5 mål og vart kalla Lund 75/33.
Huset var ideelt for kafe og overnatting. Det hadde inngang frå to sider, og i andre etasjen var det ein smal gang i husets lengde, med rom på båe sider. Fyrst starta dei kafedrift, seinare Lund Gjestgiveri.
Anna Morken Aasen (1920-2008) var ei av jentene som vertinna Marie leigde med seg i kafeen og gjestgiveriet.
I oktober 1925 var det brann i huset, gneistar frå pipa gjorde at heile andre etasje tok fyr, og brann ned.
Via telefonsentralen vart bygdefolk varsla og rundt 70 personar vart med i sløkkinga. Innbuet i fyrste etasje vart redda, og ein del frå andre etasje fekk dei òg ut.
Huset var forsikra og vart sett i stand att.
Under oppbygginga budde familien på Skogvang.
I 1934 fekk Iver Johnson avtale med Norsk-Engelsk Mineralolie Aktieselskab om å sette opp bensinpumpe nede ved vegen, sør for Samvirkelaget. Frå her selde han Shell bensin.
Han risikerte mykje da han nekta tyskarane å fylle drivstoff, ein gong vart han
arrestert og teke med til Dombås, men heldigvis kom han att om kvelden.
Iver Johnson fekk kafeløyve i 1936 for «Brennhaug kafe» på Lund.
Kafedrifta vart nok slutt like etter krigen, frå 1947 var andre etasje brukt som bustad for sonen Hjalmar Johnsen med familie.
Kjelde: Terje Yngve Johnsen
|
